【Now財經台】越秀地產(00123)擬以100供30比例，供股集資逾83億元，供股價9元，較停牌前折讓約28%，股份午後復牌後最多跌18%，低見10.28元。
耀才證券研究部總監植耀輝表示，一眾內房企業中越秀已算財務健康，去年底淨借貸比率62.7%，未有觸及「三條紅線」，又有央企背景，近期股價較同業強勢，唔難理解高位抽水。
不過，佢對內地樓市前景審慎，公司喺行業環境未好轉時不斷收購，或反映管理層對前景有信心，但佢就唔建議小投資者供股，反而可趁現價減磅。
Stanley又話，越秀房產信託基金(00405)亦不宜沾手，指去年派息少左，股價急挫，超過1個月都未補返個大裂口，加上越秀地產將派發特別息，每1000股派62股越秀房託，佢預期唔少投資者收到股份後有機會減磅，加重越秀房託嘅沽壓。
