【股市脈搏】吉林長龍藥業升太快有壓力？

【Now財經台】吉林長龍藥業(08049)首季純利大增兼計劃派特別股息，裂口高開14%，開市無耐升幅達61%，之後升勢回順，成交股數較過去100日同時段平均成交大增48倍，係近年罕見。

吉林長龍藥業昨日收市後公布3月底止首季業績，純利大增56%，賺5238萬元人民幣，公司持有唔少理財產品，唔排除係來自呢方面嘅收入。

吉林長龍藥業今日高位見1.9元，是2017年以來高位，當時喺1.9元樓上企唔穩跌返落來。今日衝高到呢個位置，就明顯見到獲利壓力，炒作未必咁快完，但1.9元應該會係比較大嘅阻力位。