【Now財經台】中國通號(03969)股價升至逾兩年半高位，成交股數較過去100日同時段平均成交增加7倍。
公司透露，上星期五同多達35家機構投資者、基金以及券商舉行交流會，會上傾到今年同未來鐵路同城軌信號系統市場需求走勢、業務展望等等。
股價喺交流會後升勢加大，突破3元嘅大阻力。今朝見北水都有唔少買盤，去到上日滬深股通持倉達30%。
中國通號下周五公布首季業績，到時會更清楚接單情況，唔排除季績前會繼續炒作客流量同訂單復甦。不過留意返，中國通號近期相對強弱指數(RSI)走勢出現背馳，一旦季績有咩差池，股價可能都需要整固返下。
