【Now財經台】嘉里物流(00636)半日已經跌超過3％，午後跌勢持續加大，喺低位徘徊，低見11.04元。
股價受壓相信同摩笛唱淡有關，大摩認為嘉里物流估值偏高，運費正常化已經喺去年下半年對嘉里物流的盈利造成負面影響，去年下半年盈利較上半年跌60％，大摩估計今年核心盈利按年會再跌55％，去到2024年先至穩定返。嘉里物流2023年預測市盈率仍達13.5倍，將評級由「持有」降至「減持」，目標價大削30％，最新見8.1元，可謂係全城最低價。
嘉里股價跌已經回落到2021年初位置，憧憬順豐入主加上盈利因疫情飛升的炒作全部過去，股價還原基本。大摩雖然唔睇好嘉里物流，但就睇好持嘉里51%股權的順豐A股，認為佢撇除嘉里以外的業務都有理想增長同表現。
