【Now財經台】內險股逆市向好,中國太保(02601)公布首季保費收入後股價升4%。年初至今太保股價跑贏唔少同業,升近40%,側重財產險嘅中國財險(02328)累升約20%,而壽險股平保、中國人壽(02628)則累升約5%。
南華金融集團高級分析師莫灝楠認為,內險股近期跑贏大市,似資金炒完其他有國企背景嘅股份,如中國移動(00941)、「三桶油」、基建三寶等,就輪動到內險板塊炒低估值股份。
Casper指,雖然太保市帳率(PB)平,只有0.7倍,但同其他有多瓣業務嘅險企比較水位唔多,未必升至30元附近,唔建議投資者現價追入博長線升幅,反而可以留意財險股,因為...