【Now財經台】IGG(00799)連升第八日，係升浪最長嘅個股，今朝輕微高開唔夠1%，成交湧入推高股價，半日升幅達到20%，下午再有成交配合下高位見6.06元。
公司有新遊戲報捷，相信係近期股價勁升嘅催化劑，根據數據諮詢機構Sensor Tower統計，IGG旗下末日生存題材遊戲《Doomsday: Last Survivors》三月下載量達670萬次，按月升4倍，成為海外下載量第二高的國產手遊。IGG一直以來主要靠經典遊戲「王國紀元」支撐業績，佔收入80%，但遊戲2016年已經上線，市場擔心遊戲老化令收入倒退，新遊戲有望接力吸金。
IGG股價在3月初盈警後下跌，3月下旬出咗虧損業績後，股價反而從3元左右逐步升上6元水平，14天RSI上到90非常超買。
