【Now財經台】美國整體通脹回落，令聯儲局加息預期降溫，美元表現弱勢，國際金價愈升愈有，突破每盎司2040美元水平，SPDR金ETF(02840)亦愈戰愈勇，今朝一度高見1493元，後市有冇力再上？有咩類型嘅產品值得留意？
星展財資市場部上市產品策略師鍾宛婷指，聯儲局嘅會議紀錄預期，美國今年可能會出現溫和衰退，睇返美國過去7次經濟衰退時期，黃金概念股及金價都有唔錯嘅回報，若金價今輪可以守得住2000美元，亦突破到2040美元，便可留意比較貼價嘅選擇，例如兌返S金約1528元，同現價比較仲未上返去，仍然係價內選擇，年期方面仲係長身，12月底到期，槓桿有7倍以上，如果部署金價走勢呢類條款都唔錯。
