【Now財經台】中集車輛(01839)噚晚發盈喜，預期首季最少多賺2倍，但睇返公司季度純利增長趨勢，呢個盈喜不至於為市場帶嚟太大驚喜，點解股價今日咁興奮？睇返中集去年地區表現，中國市場收入大跌55%，但北美大升逾倍，此外，北美市場去年毛利率升至逾16%，但中國跌至單位數，係咪反映集團愈來愈倚重境外收入，尤其北美市場，中國市場係咪有價量齊跌風險？
艾德金融聯席董事陳政深指，雖然中集股價升得唔錯，但成交唔算太多，成交金額暫時2000幾萬，雖然按季計業績表現都係麻麻，但起碼可以展望到一啲可以拉動業績嘅動力，例如北美業務，睇返舊年份業績，都預示到內地業務會繼續拖累整體增長，但市場應該已price in咗，加上中集估值其實唔算太貴。
Ryan又話，海外業務肯定愈來愈重要，依家出現一個情況，北美供不應求，但內地就供過於求，所以內地未來仍要做去庫存工作。
