【Now財經台】祖龍娛樂(09990)今朝高開1%後，升幅不斷擴大，午後愈升愈有，尾市一度高見6.49元，大升逾13%，收市報6.41元，升近12%，全日成交金額逾1.1億元。
A股嘅遊戲股今日表現突出，不過，港股嘅遊戲股只係個別發展，最突出係雲遊控股(00484)，午後一度勁升逾42%，收市升近14%。
至於祖龍股價已連升第2日，睇返技術走勢，祖樂股價基本上延續去年11月以來嘅升勢，並重新企穩50天線樓上，依家上望上升通道頂部，即7.5元水平，距現價仲有近17%上升空間，要留意下一批官方遊戲版號祖龍有冇份，或者留意集團喺人工智能(AI)方面有沒有動作。
