【Now財經台】東方電氣(01072)前日收市後公布，計劃向最多35名投資者定向增發A股，集資最多50億人仔，半數金額會用嚟向控股股東，即東方電氣集團收購燃煤發電、水力發電等相關設備同資產，控股股東又會用5億人仔認購東方電氣嘅新A股。
值得留意係，新A股定價、完成集資及收購日期都未定，集團話，會用定價前20個交易日嘅平均價80%去計，但唔會低過每股資產淨值。
東方電氣AH股近日反覆向下，其實投資者都應該有唔少疑問，例如增發時均價會唔會低依家好多，最終同價又會唔會貼近每股資產淨值，即12元水平。
東方電氣AH股今日齊跌，A股暫跌6%，H股落到250天線邊緣，一旦失守，應要下試先前低位，即10元水平。
