【Now財經台】平台醫療股今日普遍跟隨大市向下，不過，醫渡科技(02158)今朝平開後，早段大部分時間偏軟，但午後突然掉頭抽升，尾市更愈升愈有，最多升近18%，高見8.64元，收報8.62元。
醫渡今日跑贏同業，可能因為公司具平台優勢，有別於阿里健康(00241)、京東健康(06618)及平安好醫生(01833)，集團只專注於收集集團系內客戶數據，要特意對外開放以服務全國醫院體系，醫渡就冇太大包袱，更可以滿足國家要求平台企業參與數字經濟嘅主張。
高盛最新下調醫渡目標價至14.5元，但無阻股價午後走強，技術上股價今日已由保歷加通道中軸，一下子抽升至通道頂部，建議投資者先留意公司有冇其他利好消息支持今日嘅表現，否則，短線好大機會僅繼續在通道內窄幅上落。
