【Now財經台】華潤燃氣(01193)上周五放榜，股價今日明顯跑輸大市，一度挫近8%，燃氣總銷量升5%，新接駁住宅客戶總數亦升15%，摩根士丹利及花旗喺潤燃業績後指，集團業績及純利遜預期，而每立方米售氣毛利亦低過指引，呢份業績反映集團盈利能力下降，潤燃成本係咪唔可以全數轉嫁比客戶？
元宇證券投資總監林嘉麒指，呢個係內地天然氣價機制問題，工業及企業用嘅燃氣價格唔可以傳遞過去，市場擔心收入上升但profit margin收窄，令之後成本愈嚟愈高，由於規模大成本一定相對高，dollar margin會進一步收窄，市場對燃氣股可能有唔同睇法，前景唔太樂觀。
KK又話，潤燃盈利能力有望可以改善，但呢個係講緊居民燃氣價格，去年俄烏戰事令國際天然氣價格升咗唔少，依家價格回落可以紓緩部分壓力。
