【Now財經台】萬物雲(02602)股價今日逆市造好，開市唔夠10分鐘已見咗即市高位37.85元，升7.6%，午後升幅收窄。
萬物雲上周五收市後公布，H股全流通申請獲中證監批准，准21名股東所持有合共約10.5億股未上市股份，可轉換為喺本港上市買賣嘅H股，呢批股份大部分嚟自母公司萬科企業(02202)，佔6.6億股，轉換效期12個月，但可能未必要咁長時間，要留意公司向中證監提交嘅報告及通告。
萬物雲近日公布嘅業績，純利及派息都冇乜亮點，股價近日自低位回升，更多係因為超賣出現技術反彈，一旦H股全流通股上市，預期股價將面對很大壓力。
