【Now財經台】藍月亮集團(06993)今朝輕微高開後，升幅急速擴大，一度升9%，高見5.3元，衝上近兩個月高位，其後升幅收窄及呈橫行格局，收市報5.16元，升6%，成交股數較過去100日同時段平均成交增3倍。
藍月亮噚晚出咗業績，同唔少內需股一樣，去年盈利都要倒退，藍月亮賺逾6億元，大跌40%，派末期息16.8仙。
睇返技術走勢，藍月亮連日收復多條移動平均線，今日企穩100天線樓上，上方目標可以睇250天線，即去年底橫行區頂部，約5.6元水平，意味潛在升幅約8%，不過，RSI今日升至64水平，小心再上衝可能會超買，屆時可能有回套壓力。
