【now.com財經】今朝揀咗隻恒指熊(55408)出嚟，計劃借指數低走於50分鐘線(五分鐘圖10線)而出動。以今朝Patreon出文時間10點24分，on top加多10分鐘作為睇文時間，即100點34分時再睇返恒指五分鐘圖，其實指數已經確認低走於50分鐘線，(55408)亦都可以出動。
如常的用10分鐘作為買貨時間，即10點35分至10點45分期間落場，(55408)期內高低位做過0.06元/0.055元，平均買入價為0.0575元。
雖然指數之後行得比較慢，但還好方向正確，去到11點20分時見到指數失守埋100分鐘線(五分鐘圖20線)，並且保持保處於保歷加「下降通道」運行。反方向用返條中軸作為(55408)做止蝕位可以。
到下半場開市之後，保歷加通道喺五分鐘圖上仍然保持窄窄的，指數以極低波幅(30點都無)嘅速度前行。依家1點6分，指數有一下係上過中軸以上但亦好快以上影線縮返落去保歷加「下降通道」，八掛下隻(55408)依家證價做緊0.058元，同平均買入價差唔多。再過多一分鐘，指數似乎想跳高於中軸樓上，唔好理，反正我哋嚴守策略就得啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
