【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、美團 (03690)、騰訊控股(00700)、融創中國(01918)、快手(01024)。
騰訊宣布推出微信視頻號創作分成及問答功能，但微信由噚晚到今朝罕有地出現故障，部分功能包括微信支付失效，加入新功能後，微信系統負唔負荷到？新功能對於股價有冇好大幫助？
獨立股評人譚智樂認爲，涉及大量伺服器都會經常發生故障，所以市場喺交易上唔會有好大分別。股價方面，騰訊喺調整期相對其他科網股較接近高位，Arnold認爲，騰訊股價短期要無視市況下跌再上衝有一定難度。
佢又話，市場相信中資科網行業估值普遍會向下調，不過，近年監管政策主要針對暴富情況，因此，呢啲公司較難出現爆發性增長，並估計大型平台股，尤其視頻、遊戲等仍然受捧。
對於騰訊發展視頻號會唔會影響快手，Arnold就話...
