【財經TOP SEARCH】資金有機翻兜友邦

【Now財經台】截至早上11時止，1小時內《彭博》用戶關注度上升最多港股，依次為美團(03690)、騰訊控股(00700)、友邦保險(01299)、中國恒大(03333)、比亞迪股份(01211)。

近日友邦股價波動，試過由81.5元水平落到74.9元，似乎回購對股價嘅支持作用唔大，係咪受外圍金融事件及金融股表現影響，抵銷咗回購嘅作用？

資深證券分析師彭偉新指，友邦回購會令投資者覺得公司估值低，但從另一個角度睇，之前有多家美國銀行倒閉，加上大型銀行如瑞信(CS)，甚至近日傳出德銀都出問題，難免令市場對國際金融股嘅投資價值及信心動搖，基本上抵銷咗一啲利好消息，包括回購及業績理想，但當利淡消息逐漸消化，都有機會吸引投資者買返轉頭，因此，友邦有機會喺冇回購動作下不跌反升。