【環球金融快線】「國家任務」易執到筍貨

【Now財經台】歐美銀行爆發倒閉潮，暫時引發4宗銀行併購，包括滙豐控股(00005)用象徵式1英鎊收購矽谷銀行(SVB)英國分行，以及瑞銀(UBS)用32億美元收購瑞信(CS)，兩單deal都有「國家任務」味道，係咪意味呢啲收購「冇咁多肉食」？

獨立市場策略師陳俊文指，「國家任務」等於「冇肉食」係一種好常見嘅誤解，噚日First Citizens收購矽谷過渡銀行 ，收購消息傳出後，刺激股價大幅上升，反映投資者對呢單交易反應正面，事實上，UBS收購CS後，市場信心都恢復咗。

Norman又話，即使大型併購長遠未必大賺，但睇返一啲例子，例如花旗同美國旅行集團合併都遇到唔少阻滯，反觀一啲所謂「國家任務」，因為伴隨住一啲危機，令資產價格偏低，執到平貨嘅機會反而更大。