【Now財經台】比亞迪股份(01211)今日出業績，集團1月底已經發咗盈喜，預期去年多賺逾4倍，比亞迪股價今朝反覆向上，市場繼續睇好今年新能源汽車銷售，今朝較多資金買入年期較短嘅CALL輪，若睇好比亞迪後市，應該揀條款？如果預期業績後投資者會沽貨，睇淡應該揀PUT輪，還是熊證？
瑞信上市交易產品部副總裁薛健鋒指，投資者近日做比亞迪相關部署，目的都係博份業績，而業績係比較短期嘅消息，所以會吼價外、高槓桿、短期輪，都係一個合理嘅短期部署。
淡倉方面，Lawrence話，比亞迪PUT輪嘅窩比CALL輪更高，考慮到引伸波幅問題，熊證就相對吸引。
