【Now財經台】本地環境清潔服務商碧瑤綠色集團(01397)上周五收市後發盈喜，股價今朝高開6%後，升幅一度擴大至23%，高見0.5元，不過，之後由於成交唔配合，升幅顯著收窄，但臨近尾市升幅再次擴大，收市報0.47元，大升16%，成交股數較過去100日同時段平均激增逾60倍。
睇返技術走勢，碧瑤今日成交係近兩年最多，對上兩次成交咁活躍，都喺業績前出現，如果話盈喜只係反映去年業績表現，因為往績而炒到咁，誘因其實唔大，係咪市場睇好疫後清潔服務需求將成為常態，還是今日股價及成交異動只係「放煙花」，就要留意3日後出嘅業績。
