我的股票

    名稱 現價 升跌

    資料報價延遲十五分鐘

    【財經TOP SEARCH】美團「被分派」已沽到尾水?

    【分析】 2023/03/27 12:50

    【Now財經台】截至早上11點止,1小時內《彭博》用戶關注度上升最多港股,依次為美團(03690)、中國石油化工(00386)、騰訊控股(00700)、小米集團(01810)、碧桂園(02007)。

    搜尋榜搵到唔少業績股,榜首嘅美團去年第4季業績好過預期,但股價都要捱沽,市場係咪擔心第1季業績表現,尤其是係復常後外賣業務未必可以保持增長?還是受上周五被騰訊實物分派影響?

    富昌證券聯席董事譚朗蔚指,美團成績表嘅重點唔喺全年大數上,因為受累於疫情封控措施,外賣、到店業務都受拖累,所以復常後嘅第4季業績先見真章。佢認為份業績都冇乜大問題,雖然今朝股價跟隨大市向下,但跌幅有收窄。至於係唔係受實物分派影響,大戶基金可以透過衍生工具有較早部署,即係散戶都有沽貨,但整體已到沽壓嘅尾水,所以股價有改善。

    Stevan話,要持續觀望美團今年第1季業績表現。而家整體大市氣氛有緩和,科技股有資金追捧,不過,美團股價仍然偏弱,喺145元水平仍有幾大阻力,建議買同業騰訊會更可取。

     

    想睇更多財經消息