【Now財經台】栢能集團(01263)股價今朝急挫，開市不久跌至半日低位5.06元，一度重挫逾12%，暫時成交已多過近幾個交易日。
栢能業績差，更3年以嚟首次唔派末期息，不過，由於公司有手頭現金22億元，所以派咗特別息。栢能喺業績報告嘅態度都比較審慎，公司嘅圖像顯示咭好受加密貨幣價格上落影響，管理層亦講明，如果加密貨幣冧價，存貨風險會進一步上升。
栢能股價喺盈警後大跌，不過，之前加密貨幣格回升、AI炒作都幫到股價回升，今日一跌，低位落到100天線水平有支持，其實栢能股價都係上落格局，冇明顯方向。
