【名家給力場】恒指已企穩20天線準備反撲

【Now財經台】恒生指數第2日企穩20天線。冠域商業及經濟研究中心主任關焯照分析指，根據恒指由去年約14500點水平拾級而上嘅規律，大多數反彈發生之前，會喺升至20天線水平出現回套，同目前大市情況相似，預期港股好快又會升返。

近日北水大手買入騰訊控股(00700)，帶動恒指上日重上2萬點關口。關博士表示，上日多隻重磅股有反彈，其中騰訊喺業績後仲有得升，認為資金未必只係短炒集團業績。另外，騰訊股東今日將獲寄發美團(03690)股份，佢預期此事對美團沽壓唔大，並觀察到過去1至2個星期不斷有聰明錢吸納股份，估計股價仲有20%水位。