我的股票

    名稱 現價 升跌

    資料報價延遲十五分鐘

    標籤: 分析02232

    【股市脈搏】Uniqlo等代工晶苑息率吸引

    【分析】 2023/03/24 12:28

    【Now財經台】晶苑國際(02232)係國際服飾品牌Uniqlo及H&M嘅製衣代工廠,噚日出咗全年業績,股價今朝低開2%後,一度轉升近4%,高見3.01元,而截至噚日晶苑股價已6連升。

    集團去年收入及純利雙雙按年升逾6%,毛利率按年收窄0.5個百分點至18.6%,但對比中期已經止跌,全年派息按年升近22%至16.8港仙,派息比率增至36%,以噚日收市價計,股息率約5.8厘。去年下半年收入及純利亦較上半年有所增加,其中創2016年以來第2高嘅半年度純利,僅次於2021年下半年。

    晶苑預期,今年業務充滿挑戰,因為高零售存貨及經濟不確定性,預期繼續拖累業務增長,高通脹亦令消費者減少購買非必需品。不過,晶苑業績都有亮點,去年收益及毛利貢獻首兩位的「休閒服」、「運動服及戶外服」毛利率扭轉到去年中期嘅下跌勢頭。花旗喺績後上調晶苑目標價11%至7元,維持「買入」評級。

    晶苑今日早段破位,刷新10個月高位,但當14天相對強弱指數(RSI)升至超買水平後就倒跌,技術上暫時受制約3元嘅短線阻力。股份於6月21日除淨,有意收息想買入股份嘅投資者,仲有充裕時間睇定啲先。

    想睇更多財經消息

    相關股票

    編號名稱
    02232晶苑國際