【Now財經台】中國移動(00941)去年業績只係平穩,雖然全年派息加碼,但末期息就派少咗,集團重申今年派息比率會升至70%,中移動股價今朝向下,一度跌2.7%,跌穿62元關口,今朝資金流係點?
星展財資市場部上市產品主管周國威指,資金見中移動股價今朝回調,主要流入好倉,雖然中移動業績平穩,但正正係佢賣點,因為可預測性高,中移動股價1月至今都係維持一個上升格局,資金今朝揀CALL輪主要有兩類,其中,貼價少少就揀行使價約66元,9月到期,槓桿有近10倍,唔使擔心收回風險,啱中線睇好中移動股價嘅投資者。