【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、中國恒大(03333)、聯想集團(00992)、美團(03690)、新奧能源(02688)。
騰訊業績後被多家大行唱好，業績亮點包括廣告收入突出及派息按年大增50%，喺內地疫後重啟下，騰訊前景係咪可以睇高一線？
椽盛資本投資總監曾永堅指，今年開始，騰訊業績的確可以睇高一線，集團過去數年提升核心業務協同效益成效顯著，可以由本業推動廣告增長。遊戲業務方面，近年亦令市場喜出望外，平衡到來自內地監管政策嘅風險，佢對騰訊整體業務前景樂觀。
曾永堅又話，騰訊開始積極增加派息，長線投資者必定歡迎，而未來回購股份嘅可能性會細咗，相信騰訊未來會集中提升派息能力，以作為回饋股東主要方向。
