【股市脈搏】仙股上海証大爆升後小心有伏

【Now財經台】上海証大(00755)平日交投疏落，但股價今朝高開逾11%後，升幅一度擴大至逾1倍，高見0.035元，更成為今朝升幅最大港股。

証大今日爆升係因為噚日收市後發咗盈喜，預期舊年轉賺最少25億元，係2018年以來首度有錢賺。不過，公司今年6月前有58億元債要還。

雖然証大今日開咗支長陽燭，但上到高位0.035元有獲利盤湧現，開出一條好長嘅上影線，不過，今次呢個盈喜同本業冇關，加上平時交投疏落，市值只得逾3億元亦好易被舞高弄低，投資者都要小心。