【股市脈搏】萬咖壹聯盈警震散股價

【Now財經台】萬咖壹聯(01762)今早低開近2%後，跌幅一度擴大至近30%，低見0.191元，其後跌幅收窄，午後維持約20%跌幅，成交量較過去100日同時段平均大增約18倍。集團噚晚發盈警，預告去年除稅後，業績將由盈轉虧，主要係整體毛利及毛利率下跌，加上網絡視頻產品分發服務商譽減值。此外，公司仍有一筆總值6000萬人仔嘅違約貸款仍未找數。

後市關鍵要睇幾日後公布嘅業績，喺人事變動後，集團點樣闡述業務前景及現金流情況，到時就知係咪缺水到幾千萬貸款都還唔到。