【Now財經台】吉利汽車(00175)中午出咗業績，股價午後顯著抽升，一度升逾4%，睇返業績，收入增長逾40%至1479億人仔，純利就增長逾8%至逾50億人仔，收入增速咁快，但盈利只錄得高單位數增長，係咪反映吉利盈利能力差咗？
獨立股評人譚智樂指，吉利業績對比上半年大幅改善，但跟過去幾年比較的確係持續弱勢，情況同新能源汽車補貼問題有關。佢又話，吉利股價午後「開快車」，係因為資金願意追貨，同中期業績，即首6個月相比，利潤水平大幅改善，原因係集團去年底推出好多新品牌，市場反應唔錯。
【專家分析】吉利盈利能力顯著改善
【分析】 2023/03/21 15:36
