【now.com財經】今朝揀咗隻恒指牛(64378)，Set好咗進取嘅五分鐘圖見中軸有支持先至出動，否則如常的用返Slow STC(14,3)做Swing Trade，即係等到超賣位先至出場。
等到11點20分，指數落到保歷加通道中軸附近後，終於出咗支大少少嘅陰燭向下跌落去，唯有等Slow STC(14,3)落到超賣位。但其實都唔駛等好耐，喺11點35分已經見到Slow STC(14,3)兩線已經低於20嘅超賣位，以此作為安全mode出動隻(64378)可以，按11點35分至11點45分，(64378)高低位做過0.048元/0.044元，即平均買入價為0.046元。
既然用Slow STC(14,3)做Swing Trade，就即係等返Slow STC(14,3)由超賣上返去超買，然後走隻(64378)。不過上半場尾段時間出完隻(64378)之後，指數的確有向上走向上去，但臨到中軸前似有橫行情況。再睇返成條保歷加通道見橫行，唯有等下半場返嚟睇返指數可唔可以過得到中軸啦；如果唔係，(64378)隨時斷臂。
下半場開市後未見到指數有即時出現好大變動，不過中軸都未掂到就向下運行係真嘅，見到原本保持橫行嘅保歷加通道條底線稍稍向下走嘅情況，似乎(64378)有少少凍過水。無乜嘢嘅，Set定止蝕最穩陣，借返上半場低位拉出條底線，啱啱喺1點3分時指數有一下向下叉過落去然後縮返上嚟，出咗下影線。為免指數順保歷加通道向下再落而唔Swing，嚴守過底線，好倉閃人算啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
