【槓桿致勝】阿里博反彈揀CALL輪定牛證？

【Now財經台】阿里巴巴(09988)係最多資金流入嘅個股，5日累計有2200萬元資金坐貨，阿里股價最近冇乜起色，喺79元水平徘徊，科技股近排亦冇乜大消息，技術上想博反彈，行使價擺咩位？

瑞信上市交易產品部副總裁薛健鋒指，投資者對阿里嘅戒心都比較大，所以博反彈都唔會揀太價外嘅產品，貼價啲100兌1嘅產品槓桿都唔低，有4倍至5倍，價格都平啲，唔少喺0.1元以下，所以較多資金揀CALL會揀90元樓下，甚至85元水平呢啲貼價選擇。佢又話，短線想博反彈，牛證值博率可能比輪更高，雖然價格上冇太大優勢，但90元樓下水平可以有4倍槓桿，70元水平嘅牛證更有7倍至8倍槓桿。