【Now財經台】港交所(00388)近期宣布推出「港幣及人民幣雙櫃台模式」，以便投資者可無縫轉換港元及人民幣上市股份。香港喺2003年開展個人人民幣業務，之後到內地金融機構喺香港發行人民幣債等，香港未來可以喺邊方面協助人民幣國際化？
香港黃金五十創辦人林奮強指，香港有好多機會協助人民幣國際化，政府亦有好多方法，例如發行綠債，最重要係吸引外資，而內地係要香港作為一個中心點。佢又話，過往出現多項百年一遇嘅國際大事件，如中美關係轉差，會令國外投資者對亞洲總部嘅落腳點有猶疑，香港係其中一個選擇，由於香港有好多人才、企業匯集，可以吸引到東西方、國內人聚集，加上香港醫療業、飲食業、教育業一流，以居住點而言，係大中華區只此一家。林奮強又話，正正因為香港容易吸引外國人來港生活，可從而協助人民幣國際化。
