【財經TOP SEARCH】金融股短線僅博喘定

【Now財經台】截至早上11時止，1小時內《彭博》用戶關注度上升最多港股，依次為友邦保險(01299)、騰訊控股(00700)、中國平安(02318)、碧桂園(02007)、中國海洋石油(00883)。

近排國際金融股出現震盪，因為繼美國矽谷銀行(SVB)爆煲後，最新輪到瑞信「出事」，雖然瑞士央行已準備好出手，但在港上市嘅國際金融股繼續跌，其中，友邦股價受壓係咪反映市場仍有戒心？

獨立股評人譚智樂指，保險股主要睇債息，近期債息非常波動，加上經濟衰退，喺債息回落下，金融股估值都要略為調整，但可以博友邦短期內喺75元水平喘定。佢又提醒，短期而言，呢類股份都係以博喘定為主，大V型反彈就未咁快有條件做到。

Arnold又話，央行出手只係解決流動性風險，如果公司出現交易對手風險，仍然係不明朗因素。