【Now財經台】港燈(02638)中午出咗業績，股價午後升幅顯著擴大，集團全年售電量下跌，純利只係微升，但末期息維持16.09港仙。近期傳統公用股及高息股熱炒，包括中資電訊股、油股、基建股，應該點揀好？邊類股吸引力更大？
南華金融集團高級分析師莫灝楠指，他偏好中國移動(00941)，港燈係完全唔會有增長，因為簽咗嘅利潤保障協議係唔會改變，中移動嘅ARPU開始見底，雲及數據中心等新業務可以帶動利潤增長，加上派息比率慢慢提高，估計明年及後年將會有8厘息，依家買中移動仍有利息提升嘅預期。
佢又話，港燈係完全跟住息口敏感度去行，如果美國聯儲局非常鷹派，繼續加息，港燈嘅跌幅會明顯大過中移動。
