【Now財經台】截至早上11時止，1小時內《彭博》用戶關注度上升最多港股，依次為友邦保險(01299)、騰訊控股(00700)、比亞迪股份(01211)、吉利汽車(00175)、美團(03690)。
近期汽車股弱勢，比亞迪自上周五起，因內地汽車減價潮嘅消息一直榜上有名，最新有消息指，Tesla叫停比亞迪低價車型嘅電池供應，雖然比亞迪否認咗，但股價照跌。
資深證券分析師彭偉新指，比亞迪近排都係負面消息居多，除咗本身要減價，主要競爭對手都喺內地劈價，對比亞迪嚟講係唔樂觀。不過，比亞迪減價只係賺少啲，唔似其他車企如小鵬汽車(09868)，要賣1部蝕1部。
佢又話，比亞迪股價依家落到190元水平，要留意企唔企得穩，如果彈返上去，做頭肩頂形態，最終可能落返舊年10月時水平。
