【Now財經台】艾美疫苗(06660)今朝喺北水推動下，股價一度由上周五收市35.4元，大幅抽高至100元，創新高，飆逾1.8倍，由於升勢過急，一度觸發市調機制，須進入「冷靜期」，其後升幅收窄。
艾美嘅新冠候選疫苗上月中獲批喺巴基斯坦進行臨床試驗，公司月初發過變相盈喜，預期去年淨虧損大幅收窄至最多2.7億人仔，2021年同期蝕約7億人仔。
艾美股價除咗首掛失守過招股價外，基本上都喺20元水平橫行，波幅亦唔大，臨近正式晉身港股通幾個交易日開始有郁動，今日再喺大成交下飈升。公司上星期出通告建議發非上市A股，最多發約2.42億股，佔已發行股本20%，發行價未定，喺H股勁升下，相信有助提升發行價。
