【Now財經台】中遠海能(01138)股價近期持續向上，內地運油價格指數有見底回升跡象，參考上海航運交易所數據，2月初已開始回升，反觀波羅的海油輪運價指數升勢都冇內地運價指數咁急，內地市場運價突然抽升，有咩啟示？
艾德金融聯席董事陳政深指，過往市場相信經濟全球化，只會愈來愈同步，但近年不論貨幣政策，以至實體經濟，國與國之間嘅相關性都細咗，即使美國經濟及就業市場強勁，但估計最多只能維持多1至2個季度，反觀中國過去數年處於封控狀態，物流貨運都處於停頓狀態，撤銷防疫措施後，經濟重啟，燃油需求回升，因此，同中國相關嘅貨運指數錄得較大嘅升幅。
中遠海能股價今日衝上2011年高位，集團稍後就會出業績，股價之後會點走？Ryan指，股價喺靚業績出爐前衝咗上去，一般來講都係第1棍，估計會出現第2棍，但投資者走位要好靈活，可能會落返9元，再進行整固，然後再升多棍，但去到呢啲位就要小心，因為...
