【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、美團(03690)、小米集團(01810)、領展房產基金(00823)及龍湖集團(00960)。
內地噚日公布國務院機構改革，其中將取消銀保監及改立金融監督管理總局，並成立數據局處推進數字經濟發展。今日港股顯著向下，科網股普遍受壓，騰訊半日跌2.5%，美團、小米更跌約4.7%。
資深證券分析師彭偉新認為，市場憂慮成立數據局係代表對科技企業嘅監管常態化，或將限制企業喺民生同金融層面嘅發展，加上新部門嘅角色及監管力度未明，而外圍利率見頂水平預期上升，亦令唔少投資者重點沽科技股，或先減磅以減輕持貨壓力。
