【Now財經台】截至早上11時止，1小時內《彭博》用戶關注度上升最多港股，中國海洋石油(00883)、中國石油化工股份(00386)、中國石油股份(00857)、騰訊控股(00700)、美團(03690)。
今日上榜清一色係藍籌，今日「三桶油」強勢，更成為升市功臣，係咪同國際油價連升5日，噚日更突破每桶80美元有關？
獨立股評人譚智樂指，呢段時間資金追緊價值股，即PE合理、有穩定盈利能力嘅股份，資源股之中嘅石油股、煤炭股都係典型價值股。佢又話，油價升主要同外圍經濟相關，近期出爐嘅美國經濟數據，顯示經濟硬著陸風險細咗，所以油股升得好勁，但有機會觸發聯儲局加息，所以係一個短線風險。
Arnold又話，投資價值股係抱長線投資心態，以收息為主，短線升得咁急，可能會喺高位獲利回套，整體嚟講，估值平嘅價值股今年有穩步上揚嘅趨勢，建議有貨嘅投資者可以繼續揸。
