【Now財經台】賭股近期表現唔錯，其中，銀河娛樂(00027)股價今朝都有得升，一度升穿55元關口。澳門2月賭收增長逾30%，銀娛同金沙中國(01928)股價一直喺高位徘徊，冇明顯回調，如果睇好3月及之後「5‧1」假期賭收，開好倉有咩要注意？
中薇證券研究部執行董事黃偉豪指，由於已全面通關，市場一定對賭收有憧憬，但始終都係偏向中線，唔係即時會發生，唔少利好因素都係偏向中長線，如果揀CALL為主，要留意時間性，揀返長身少少，股價方面，銀娛走勢係ok，如果股價繼續貼住53元樓上走，有機會上到56元、57元。
