【股市脈搏】綠新蟹貨太多唔易翻身

【Now財經台】綠新親水膠體(01084)今朝高開後，升幅一度擴大至逾22%，高見1.99元，其後升幅收窄，收市報1.73元，僅升逾6%。

綠新股價上月突洗倉式急瀉，收市重挫70%，市場一度以為有股東被斬倉，但公司當晚發通告指，控股股東持股冇變動，之後仲發咗盈喜，綠新從事食品凝膠製造，過去兩年業績喺疫情下反而有增長，但股價經歷上次大跌後已元氣大傷，今日上返10天線似乎都有啲吃力，始終股價暴跌後有好多蟹貨，要收復失地難度唔細。