【Now財經台】毫子股帝王實業(01950)（前稱深藍科技）計劃將股份合併然後再供股，由5股合併為1股，再按每持有2股獲發3股基準供股，供股價0.67元，發行最多4.32億股，以非包銷基準進行，合股和供股均須獲股東特別大會批准。公司董事會喺上市後，主要股東幾次減持股份，原主席劉靜去年5月亦已經辭任。公司現時冇主席，今日更有通告發出有執董辭任嘅消息。究竟今次財技動作嘅目的係咩？又會出現點樣嘅股權結果？
《香港股票財技密碼》作者梁杰文指，公司自2020年上市後，大股東趁股價喺高位嘅時候不斷減持股份，加上公司近一年嘅人事變化大，主席同核數師均辭任或作更換，公司早已部署大變局。公司業務亦由上市時的化學品產品，變為集中發展新業務白酒產品。新業務的出現再加上人事大幅變動，小股東難以判斷有幾多人同咩人會認購股份。
Mike猜測，雖整盤生意都有賣殼的味道，股價亦沒有折讓，甚至溢價，但基於公司有所鋪排，相信供股可順利完成，股權架構將耳目一新。
