【Now財經台】據外電報道，由私募基金持有嘅HGC以逾10億美元，向香港寬頻(01310)提出收購要約，後者股價即時抽高，其後股份停牌，停牌前報5.59元，升逾11%，依家香港寬頻市值約71億元，如果報道屬實，要約價算唔算吸引？香港寬頻股價過去1年累跌逾40%，估值係咪已經跌到好殘？
華盛證券經紀部董事李偉傑指，香港寬頻估值係低殘，若消息屬實，仍要睇最終收購幾多股份，如果係全購，依家市值炒上逾70億元，吸引力就唔大。
Jason又提醒，依家衝入去炒香港寬頻有少少危險，因為暫時未見集團有澄清或最新報道，如果呢單收購最終未有落實，股價回套壓力會較大。
