【Now財經台】恒指上星期連跌4日，險守20000關，但今朝開市已經頂唔住，港股仲要調整幾多？值得留意係，北水上周五淨買入逾82億元，係約1年嘅單日新高，大手掃入盈富基金(02800)、恒生中國企業(02828)及騰訊控股(00700)，對投資者有咩啟示？
星展銀行(香港)豐盛私人客戶執行董事鄧威信指，美元轉強、人仔轉弱，加上市場預期息口會繼續向上，不利港股走勢，佢估計，恒指下個支持位介乎19500至19600點。
Wilson又話，北水走勢及將於周末舉行嘅「兩會」有關，市場都憧憬到時會有刺激經濟政策出台，尤其係撐房地產及平台經濟嘅政策。佢又認為，北水狂掃騰訊係因為最近遊戲行業獲官媒「祝福」，至於大手買入兩隻ETF，係期望「兩會」行情會帶動整體市況造好。
