【專家分析】太航可受惠內地基建投資增加？

【Now財經台】太平洋航運(02343)噚晚公布業績後，股價今日大升近10%，衝上逾半年高位。

集團去年收入增長10%至逾32億美元，創新高，但純利倒退17%，不過，派息按年仍增加%，全年派息比率達75%。

亨達財富管理董事總經理姚浩然表示，太航業績冇驚喜，但要留意下半年純利較上半年倒退49%，僅賺2.36億美元，相信係受航運業運費進一步回落拖累。佢預期，今年運費主要受內地基建投資需求帶動，運送建材散貨佔比高達30%嘅太航有望受惠。

Patrick又話，太航股價早於去年12月因內地宣布復常而炒返上，其後又因股民憧憬派特別息繼續跑贏同業，佢估計，太航今年股息率達10%以上，尚算吸引，並預期股份嘅短期上升動力，會大過主營集裝箱業務嘅同業東方海外國際(00316)，但東方海外嘅抗跌力更強。