【Now財經台】半導體大廠SK海力士產能受阻，但對於D-RAM記憶體市場出現供過於求嘅情況，反而變成短線嘅利好消息。不過，港股除咗上海復旦(01385)外，其餘大部分受壓，呢個利好消息係咪唔足以支持半導體股轉勢？摩根士丹利最新將半導體行業前景，由吸引降至符合預期，係咪反映半導體股有排捱？
博威環球資產管理金融首席分析師聶振邦指，雖然SK海力士產能受阻，但會增加內地半導體商嘅出口定單，產能問題可能短期內解決到，但唔會對股價有長期支持。
聶Sir同意半導體市場唔會咁快回暖，市場去年底已估計全球手機出貨量，最少今年第1季會減少，個人電腦生產龍頭聯想集團(00992)近日公布嘅去年第3季業績，5年以來首次出現盈利倒退，因此，原材料半導體嘅需求將會下跌，定單可能要到今年5月或6月先會增加返。
