【Now財經台】截至早上11時止，1小時內《彭博》用戶關注度上升最多港股，依次為美團(03690)、快手(01024)、騰訊控股(00700)、華興資本(01911)、碧桂園(02007)。
快手提供房產知識與信息嘅短視頻直播平台，上年6月更加創立「快手理想家」提供房產交易服務。集團日前透露，去年嘅房產業務總交易額已突破100億人仔，加上內房市場復甦，快手係咪仍有巨大增長空間？
資深證券分析師彭偉新認為，快手嘅房產業務要持續增長就難少少，始終房地產唔同一般「直播帶貨」嘅消費品，單靠視頻直播銷售樓盤有難度。
快手最近股價回落，Castor形容係一個見頂嘅走勢，股價已經跌穿頸線，企唔穩100、250天線，中線走勢已經轉弱，有進一步下跌嘅空間。
