【Now財經台】滙豐控股(00005)及恒生銀行(00011)中午會出業績，市場估計，滙控去年稅前利潤跌逾7%，而信貸損失達32億美元，但股價噚日衝上3年半高位，市場關注未來嘅息差走向、派息指引及經營指標，滙控呢類大型金融股前景係點？此外，阿里巴巴(09988)周四會出業績，市傳有美資對沖基金上季增持阿里ADS，係咪反映睇好電商股前景？
GROW思睿集團首席經濟學家洪灝指，滙控股價走勢同大市關連性好大，睇到上到60元水平有阻力，估計不論業績好壞，後市仍有獲利回套壓力。佢又話，過去幾個月唔少分析師調低科技及領頭企業嘅盈利預測，若最終表現好過下調後嘅預測，但係咪可以帶動股價係另一個問題，更重要係，其實唔係睇呢啲公司嘅盈利，而係管理層點睇公司前景。
至於電商股前景，洪灝就話...
