【Now財經台】今日有化妝品概念A股造好，原來係有內地券商吹風話睇好當地化妝品市場今年復甦強勁，又話隨住「三八婦女節」促銷檔期臨近，行業需求即將轉勢。
不過，港股中化妝品股只得歐舒丹(00973)，想喺港股捕捉行情嘅話有咩選擇？
寶鉅證券董事及首席投資總監黃敏碩表示，歐舒丹上季主要靠美洲地區銷售增長，但美國正面臨經濟衰退風險，民眾購買力可能會減弱，加上品牌喺內地定位不鮮明，而國內彩妝品牌嘅選擇越來越多，亦削弱歐舒丹一部份銷售。
另外，高盛研究報告指，海南免稅店市場喺內地經濟復常後，展現出強勁銷售動力。Michael補充，如果不選擇直接買化妝品股，中國中免(01880)亦係唔錯嘅選擇。
