【Now財經台】截至早上11點止，1小時內《彭博》用戶關注度上升最多港股，騰訊控股(00700)、東亞銀行(00023)、美團(03690)、藥明生物(02269)、碧桂園(02007)。
騰訊連日上榜，有內地網媒引述消息人士表示，騰訊旗下的混合現實(XR)部門全線崗位取消，涉及超過300名員工將有兩個月緩衝期，係咪係咁短時間發現XR冇得發展呢？而XR呢類新業務對集團整體影響又大唔大？
大華繼顯執行董事梁偉源指，睇返騰訊嘅部署，未來唔會再投放資源去發展XR，可能係公司經過幾個月發現呢個業務前景唔太好，所以先會有咁嘅部署。Steven又話騰訊可能預計對遊戲業務嘅需求比較大，就會放棄將資源分散去新嘅業務到，相信騰訊短期內都會回歸返佢嘅強項—遊戲業務嘅發展。
